Daraktan Fina-finan Hausa, Kwana Casa’in, Salisu T. Balarabe, ya bayyana dalilin da yasa aka maye gurbin fitacciyar jaruman fim din kwana casa’in wato, Maryuda Yusuf wadda aka fi sani da Salma.
Salma Bawa Maikada, wacce ta kasance diyar tsohon gwamnan jihar Alfawa a fim din, ta shahara a irin rawar da ta taka, wanda daya daga cikin su ya sabawa gurbacewar tarbiyyar iyayenta da alaka da Sahabi Madugu, wanda suke dauka a matsayin abokan gaba su.
Sai dai kuma abin ya ba wa masu kallo mamaki, shi ne rashin ganin dawowar jarumar a cikin kwana casa’in kashi na shida.
Da yake zantawa da BBC Hausa a ranar Lahadin da ta gabata, daraktan wanda kuma shi ne shugaban sashin wasan kwaikwayo na Arewa24, ya ce matakin ya zama dole saboda wasu dalilai da jarumar ta bayar.
Ya ce, “A Arewa24, muna da sharadi cewa duk lokacin da muke son ci gaba da wani shiri namu, za mu tuntubi dukkan ‘yan fim tare da sanar da su lokacin da ya dace.
“Amma saboda wasu dalilai, watakila makarantar ko dai rashin lafiya da dai sauransu.
“Haka ma muka yi a wannan karon, amma ita (Salma) ta ce ba za ta iya ci gaba da yin shirin ba. Duk da cewa ba ta bayyana dalilinta kai tsaye ba, amma ta gaya mana hakan ya faru ne saboda wasu batutuwa akan ahalinta, amman bata sanar da mu kai tsaye abin da yake faruwa ba.
Ya ce al’ada ce Film fina-finai ce aga sauye-sauye Jarumai, ya kara da cewa hakan yana faru a duk fadin duniya.
Ya buga misali da Film din”Game Of Throne” wanda aka sauya ‘yan wasan kwaikwayo 16 kuma aka maye gurbinsu da wasu.
“Ka ga, ba za ka iya dakatar da fim kawai saboda mutum ɗaya ba. Don haka bayan ta ba da amsa, sai muka zauna a cikin ƙungiyar don mu tsai da shawarar mafita, wato neman wani wanda zai maye mata gurbinta kuma muka yi haka.
“Wannan ba shi ne karon farko da muke yin hakan a Kwana Casa’in ba. Haka kuma a duniya. Akwai jerin fina-finai da yawa waɗanda suka sami karɓuwa amma kuma sun canza jaruman su.”
Za ku iya kallon cikakken bidiyon anan
👇👇👇👇
Kalubale da nasarar Kwana Casa’in
A cewar Balarabe, sun fuskanci kalubale da dama jim kadan bayan fitowar fim din, musamman yadda ‘yan siyasa da jami’an gwamnati ke tunanin da su ake yi.
“Da yawa daga cikin ‘yan siyasa da gwamnati sun yi tunanin mun zo nan ne don mu yi musu muƙabala ko mu nuna abin da suke yi, amma wannan ba shi ne ra’ayinmu ba.”
“Manufar mu ita ce wayar da kan jama’a kan shugabanci da yadda za mu magance matsalar cin hanci da rashawa musamman a fannin ilimi, wutar lantarki da kuma kiwon lafiya.
“Amma daga baya mutane sun fahimci kuma muna samun ci gaba cikin sauri akan hakan. Kamar yadda kuke gani, fim ɗin a yanzu ya canza wa mutane da yawa tunanin cewa ba gwamnati kaɗai za ta iya magance mana matsalolinmu ba; amma sauran jama’a kuma suna da rawar da za su taka wajen kawo sauyi mai kyau a cikin al’umma.”
Ya kara da cewa wani kalubalen da suke fuskanta shi ne wajen ɗaukar fim, dole sai dai a Jigawa suke daukar shi saboda rashin cunkoson jama’a “saboda a Kano mutanen sun yi yawa kuma hakan zai iya kawo mana ciks a cikin aikin mu.