Kasaitaccen Namiji Hausa Novel Complete

Takaitaccen Bayanin Littafin (Summary)

Labarin Kasaitaccen Namiji yana kewaye ne akan rayuwar Fahad Ibrahim Shariff (wanda aka fi sani da Shariff ko Miskilin Namiji), wani hamshakin dan kasuwa mai tarin dukiya da nasara, sannan kuma jami’in tsaro na sirri (CID) a boye. Shariff mutum ne mai matukar aji, tsafta ta ban mamaki, kwarjini, da kuma miskilanci na karshen katuka sbd baya yawan magana ko fara’a.

A gefe guda, akwai Fareedah Isah Tafashiya, yar deputy governor ta jihar Kaduna, wacce take sangartacciya, mai aji da fahari da dukiyar mahaifinta. Fareedah ta kamu da zafafan soyayyar Shariff sakamakon ganinsa da tayi a wani babban kantin sayayya (supermarket), inda tayi kokarin jan hankalinsa ta hanyar mika masa agogonsa da ya fadi, amma ko kallo bata ishe shi ba sakamakon miskilancinsa. A lokaci guda, abokin Shariff kuma jami’in tsaro Mus’ab ya bashi shawarar kulla soyayyar karya da Fareedah domin gudanar da gagarumin bincike na sirri akan mahaifinta, Alh. Isah Tafashiya, wanda ake zargi da harkalla da ayyukan assha.

Abubuwa sun sami sauyi a lokacin da Shariff yake kan hanyar dawowa Kaduna daga Abuja a motar tashi. A can ne ya ci karo da wata kyakkyawar budurwa wacce bata cikin hayyacinta sakamakon mugun asiri na kurciya da mantuwa da kishiyar mahaifiyarta tayi mata. Yarinyar ta bi bayan Shariff har ya kawo ta gidansa sakamakon tsoro da kuma rashin masauki. Bayan neman shawarar Mus’ab, sun kai yarinyar wajen Malaman addini (Malam da Baba Ladi) domin yi mata magani da istihara, inda aka gano jinnu sun bayyana cewa asiri aka birne mata a makabarta.

Shariff ya rada mata suna Amaan sannan ya dauki nauyin kula da ita tare da dawo da Baba Ladi gidansa domin zama tare da Amaan a matsayin mai kula da ita. Duk da cewa Shariff yana nuna hantara, harzuka, da jan aji ga Amaan saboda rashin son surutu da shashanci, a fili da boye yana tausaya mata kuma yana tsaye wajen kare mutuncinta da lafiyarta. Labarin ya karkata ne akan tsakanin rikicin binciken sirri na ayyukan sanda, asirin da ke dawainiya da Amaan, da kuma alakarsa da mutanen da ke kewaye dashi.

Sunayen Jarumai da Rawar da Suka Taka (Characters & Roles)

• Fahad Ibrahim Shariff (Shariff / Miskili): Shi ne babban jarumin littafin. Dan sanda ne na sirri (CID) kuma dan kasuwa mai dukiya. Shi mutum ne miskili da baya wasa ko magana mai tsawo, mai tsananin tsafta da aji. Shi ne ya tsintsi Amaan ya kuma dauki nauyin tsare lafiyarta da kula da ita a gidansa.
• Amaan (Yarinyar da aka yi wa Asiri): Ita ce babbar jarumar labarin. Yakubu kyakkyawar budurwa ce ‘yar asalin Fulanin gaske wacce kishiyar mahaifiyarta tayi mata asirin kurciya da mantuwa. Sakamakon asirin, tana gudanar da rayuwarta kamar karamar yarinya ‘yar shekara 5-7. Shariff ne ya bata sunan Amaan bayan ya tsintseta.
• Mus’ab: Abokin Shariff ne na kurkusa kuma abokin aikinsa na CID. Shi mai sakewa ne, mai ban shawara, da kuma tausayi. Mus me karfafa wa Shariff gwiwa wajen taimakawa Amaan da kuma gudanar da bincike akan Alh. Isah Tafashiya.
• Fareedah Isah Tafashiya: ‘Yar Deputy Governor ce ta jihar Kaduna. Yarinya ce mai nuna aji, fankama, da daular duniya. Ta kamu da matsananciyar soyayyar Shariff tun gani na farko.
• Baba Ladi: Tsohuwa ce mai mutunci wacce ta kasance mai aiki ga mahaifiyar Shariff a baya. Ita ce aka dauko domin zama a gidan Shariff don kula da Amaan, koya mata sa tufafi, tsafta, da uzure-uzuren mata.
• Malam (Malam na Ta’ala): Shi ne malamin addini da su Mus’ab suka kai Amaan wajensa domin gano matsalarta ta hanyar istihara da magungunan Musulunci.
• Hajjiya Rabi (Ammi): Mahaifiyar Shariff ce. Mace ce mai matukar karimci da son jama’a, wacce Shariff ke matakar mutuntawa da biyayya ga al’amuranta.
• Dr. Mansoor: Abokin Shariff ne wanda yake likita. Shi ne ya taimaka wajen gano wasu al’amura na asibiti da kuma duba lafiyar Amaan a gida.
• Abdallah: Kanen Shariff ne (autansu gida). Dan samari ne mai son surutu da shagwaba ga yayansa Shariff.
• Ibtihal: ‘Yar mijin Ammi ce (Alh. Yahaya) wacce ke matukar son Shariff koda yake shi kuma yana jin haushinta da tsanarta.
• Seerat da Nadiya: Kawawayen Fareedah ne wadanda ke biye mata saboda dukiyar mahaifinta da hutu domin bata shawarwari kan yadda zata samu Shariff.