💋KURKUKUN ƘADDARA💋
50
Prisoner’s story💔
jin ta yi shiru yasa shi kallonta in a cool voice yace”what are u thinking”? Da sauri tace mashi ba komai, yace mata”muje mu kwanta, idan ma kina so zan goya ki abaya na” murmushi ne ya bayyana akan fuskarta, har time ɗin ba ta ɗago da kanta daga saman kafaɗar shi ba.
wani irin daɗi take ji, ita fa jin Danish take yi kamar wani sashe na sassan Jikinta, da ke taimaka mata wurin yin numfashi, idan ta haɗa jiki da shi, ba komai take tunawa ba, face Daddynta, Yadda take tumurmusarshi, idan suka kwanta a gado ɗaya, wani lokacin da gangan take ɗaura mashi ƙafafuwanta saman ƙirjin shi, duk don saboda ta takura mishi, a lokacin data addabi rayuwarshi, Allah sarki tajuddeen Namijin Duniya!
Numfasawa ta yi kafin ta Canza akalar tunanin nata zuwa ga Aunty Aneelerh, Bakomai ya fado mata arai ba, face ranar da ta faɗo musu ɗaki babu sallama, Sun fito daga Cikin toilet Kowannan su ɗaure da white towel a ƙugun shi, hankalinsu ya tashi ganin Angel, Uwar gulma da son tsegumi ga tambaya kamar ƴar jarida, A lokacin ita da uzair duk suka sha Jinin jikinsu aka rasa me magana acikinsu, Ita ko ta ruƙe qugu tana binsu da kallon tuhuma. ta ce su fada mata me suke yi acikin toilet su biyu, har suna haɗa baki wurin ce mata, babu abunda suke yi, dama sunga yayi datti ne shine suka shiga suna mopping ɗinshi, wani irin kallo ta jefa musu tace”To meyasa suka fito da ɗan towels a ƙugunsu? Ina kayan su suke”? Saboda tsabar ruɗi uzair yace”ita ce take wanka, ta kira ni don in cuɗa mata bayanta, saboda hannun ta bai kaiwa” Dariya angel tasaki tana fadin”wai ita zasuyi ma wayau, sun ganta ƴar ƙarama, hmm basu san tasan komai ba, tun da sunƙi faɗa mata, zata je ta faɗa ma daddyn ta ne abunda suke aikatawa acikin toilet, tana kai ƙarshen maganar, ta watsa da gudu zata fuce, aikuwa aguje suka bi bayanta, har suna bangaje juna Abakin ƙopar fita bedroom dinsu, ta dinga yi musu yawo da hankali, tana zagaye falon suna bin bayanta, daƙyar suka samu Allah ya taimake su, suka damƙota, Suna faman sauke ajiyar zuciya, a saman sofa suka zaunar da ita, sai tiƙar dariya take yi tana kallonsu, su fa duk a tunaninsu tasan komai game da ma’aurata, tunda sun san halinta, kamar aljana haka take ga shegen wayau, sai da suka tambayeta me zata faɗa ma daddynta, tace musu abunda suka faɗa mata suna yi acikin toilet, ba ƙaramin kwanciya hankalinsu yae ba, ganin bata fahimci komai ba, yasa aneeerh ta miƙe taje ta buɗe frigde ta dauko mata fura acikin roba, ta miƙa mata, Duk don saboda su mantar da ita komai, Aiko tun da tasha furar nan taji daɗi yakai mata karo, tace musu, ae ta fasa faɗa ma daddynta su kwantar da hankalinsu, Ita yanzu ma gida zata tafi ta kunna kallo”
sai bayan da tabar gidan suka dinga yima juna dariya,
murmushi ne ya bayyana akan fuskar angel hada ƴar dariyarta, sam ta manta cewa Danish Yana a tare da ita,
“Why are u laughing? Ko kin tuna wani abu ne”? Muryar Danish ce ta ratsa kunnuwanta, a shagale ta kalle shi tare da cewa”Aunty aneelerh, matar daddy uzair, su na tuna, ina matuƙar ƙaunarta, saboda tana so na, kamar ita ta haife ni, ba kamar mahaifiyata ba, da ta gudu tabar ni, na tsane ta fiye da mutuwa ta,” Fuskarta a ɗaure ta ambaci hakan,
Saboda ya faran ta mata rai yace”Idan kina so, zamu Iya duba furen auntynki Aneelerh,” da sauri ta ɗago da kanta daga saman kafaɗarshi tace”Are u serious”? Jinjina mata kai yae alamar Eh, Cike da zumuɗi tace mishi Toh, ya duba mata” ta ambaci hakan tare da runtse idanuwanta, tun kafin ma yace ta rufe su, Sai da ya gama kalle kyakkyawar fuskarta, kafin ya miƙe Ya nufi fanfo, Ya kunna shi ruwa ya soma kararowa, Ya tarba tafin hannuwanshi biyu ya ɗebo ruwa ya gumtse shi abakin shi, Da sauri Ya juya ya Koma bakin Tukunyar fulawar, Har lokacin Angel bata buɗe idanuwanta ba, shi kawai take jira Ya bata umarnin ta buɗe su.
“Za ki iya buɗe wa yanzu,” A hankali take mutsu mutsun buɗe eyes ɗinta, biji biji ta fara Hango tsiron wani kyakkyawan Fure dogo, Launin Ɗorawa, Yellow kenan a turance, mamaki ne ya kamata Ganin wani ɗan ƙaramin fure A jere da dogon furen Shi kuma Launin shi fari fat, Ganyansa masu kyan gaske, ‘ waro ido waje ta yi yayin da take kallonsu, Tsabar ruɗu ya hana tace komai, Idan ta kalli furen da saita kalli fuskar Danish, Ya tsareta da idonshi ba tare da ƙyaftawa ba, muryarta na rawa tace”Am..ma.ya akai naga furenni Guda biyu? Ɗaya dogo ɗaya kuma ƙarami? What does that mean? Tae tambayar Cikin ƙagara da son jin amsar shi,
“I don’t know what that means, nima ban yi expecting ɗin furennin zasu futo su biyu ba, bansan ma’anar hakan ba” Tamkar zata fashe mashi da kuka tace”pls Danish, Think about it, am so eager naji ma’anar wannan ƙaramin furen mai kyan gaske,”
ashagwa6e ta ƙarasa maganar, sai kallonta yake don ba ƙaramin kyau take yi mishi ba, ɗauke idanuwanshi yai daga kan fuskarta, Ya kalli ceilling na tsawon mintuna, Da alama nazari yake yi, can dai ya dawo da dubanshi gare ta, yace”faɗa min ko kina da ƙaramin ƙani ne”? Tur6une fuska tae”A’a, Bani da ƙani, auntyna ma bata ta6a haihuwa ba,” murmushi ne ya bayyana akan fuskarshi, kafin yace”duk da bani da tabbaci, but apparently the little flower means a little boy, so there might be a little boy in your aunty’s house, a hasashe na kenan, Cos duk wani fure da kika na fitar to mutunne mai rai”
Yadda kasan malamin duba haka ya zaƙe yana kora mata bayani, babu alamun wasa akan fuskarshi, tun kafin ya kai ƙarshen maganar, ya lura da irin kallon hararar da ta ke jefa mashi, bata ta6a yarda cewa ƙarya yake yi mata ba, sai yau, ta ya zai ce ƙaramin mutunne furen can, Bayan Ita a iya saninta, Har ta bar Gida babu wata ƙaramar halitta, dama i tace Yarinyar, kuma yanzu ta girma” taso ta ƙaryata shi amma sai takasa, saboda ta fara jin bacci a idonta.
“Muje mu kwanta” tayi maganar tare da ruƙo hannun shi, Yace mata ta hau bayan shi Ya goya ta, ba tare da tayi mishi gaddama ba, Ya juya mata back din, Ta daddage Ta haye, ya yunƙura ya miƙe ɗauke da ita suka nufi cikin ɗakin su, ba ka jin hayaniyar komai saita sautin minsharin su parveen, A saman gadonta Ya kwantar Da ita, Yaja mata bargo ya lullu6eta, kamar wata ƴar baby, har ya juya zai nufi gadon shi, Ta ruƙo hannun shi, tare da cewa”Why ba zaka kwana asaman sabon gado ba? Akwai ɗaya daya rage ka kwanta mana” girgiza mata kai yae alamar a’a yace”Nafi son, tsohon gadona, saboda wannan ba mallaki na bane, duk ranar da masu shi suka zo, bazan Ji daɗi ba, saboda na saba dashi” kalaman Danish sunyi matuƙar burgeta, Tana murmushi tace”Ka faɗi gaskiya, don haka nima bazan kwana asabon ba, Muje mu kwana a saman tsaffin gadajen mu” ba ƙaramin daɗi yaji ba, dama yana ta tunanin tafiya ya kwanta shi ka ɗai, tun da sun shirya da ita, yafi son su kwanta suna fuskantar juna,’ saukowa tayi daga saman gadon, hannunsu ruƙe Cikin na juna, suka nufi gadajensu, Sai da ta fara bari ya hau saman bed din shi ya kwanta, Ta yi mashi addu’a ta tottofa mishi saman jikinshi, har yana cewa”wai duk tabi ta tofa mishi yawu ajiki,” ta bashi amsa da cewa addu’a ce tae mishi, bai dai ce mata komai ba,” bayan ta gama Ta koma saman nata gadon ta kwanta suna fuskantar juna, wani irin kallo suke jefa ma juna, tsawon lokaci kafin Bacci 6arawo yai awon gaba dasu…………
Good Morning🌅
A washe garin ranar babu wanda ya farka acikinsu, bacci ya yi daɗi, sun saki baki da hanci anata minshari, a hankali motsin buɗe ƙopa Ya soma karaɗe Cikin ɗakin nasu, kafin wani lokaci, Sai Ga Giant Su Uku Masu Kawo musu abinci, Hannayensu ruƙe da wooden trays, Daga bayansu Wani Giant din ne Guda ɗaya Hannun shi biyu ruƙe da table mai ɗauke da tanƙameman Cake, Haɗaɗden gaske, daga gani zai yi daɗi a baki, launin uniform ɗinsu red and black, saman try din da aka ɗaura Cake ɗin Akwai Ƙaramar wuƙa ta yanka cake, tare da spoon, abun dai sai wanda ya gani, a Jikin Cake ɗin an yi mishi rubutu da ya bayyana sunan kurkukun ƙaddara Cikin harshen turanci aka yi shi kamar haka
_Welcome to the Destined Prison and happy prisoner’s day_
Ya yi matuƙar yin kyau, kusan hawa bakwai ne ajikin cake ɗin, A tsakiyar ɗakin Giant mai ɗauke da table ɗin Ya sauke shi, Sauran dake ruƙe da wooden trays suka sauke farantan saman dining Carpet ɗinsu, basu tsaya jiran su farka ba, a tare suka juya tare da fuce wa daga cikin ɗakin, ”
ƙarar rufe ƙopar ne Ya farkar da Azeeza daga bacci, abun ka ga ruɗaɗɗa. A firgice ta ware Idanuwanta, Hannunta dafe da saitin zuciyarta, dake ta faman harbawa, Tayi tsammanin ko zuwa za’ae a ɗauki wani daga Cikin su, jikinta na kerma ta ɗan yunƙura ta miƙe zaune don taga su wanene, A tsorace take kallon Cikin ɗakin, Karaf idanuwanta suka sauka akan Ƙaton cake ɗin, mai matuƙar ɗaukar ido, Mamaki ne Ya kamata, Ta zaro ido tamkar ƙwayar zasu ƙundumo ƙasa, Jiki na 6ari ta sauko daga saman gadon ta nufi Cake din, Saboda tsabar girman shi, da kuma tsayin table din dake dauke shi, sun kere mata, bata iya ganin ƙarshen cake ɗin idan tana a kusa dashi, Kamar wata baƙauyar Daji haka ta dinga zagaye Cake din har saida kanta Ya fara juyawa tukunna ta ɗan dakata, Hannunta ruƙe da qugunta, Sai faman Jinjina kai take yi, alamar mamaki, ta wutsiyar idonta, ta hango kamar kayan abincinsu, Da sauri Ta juya ta 6angare da Daning Carpet ɗinsu yake, waro ido tayi, badan tana mamakin Abincin da aka kawo musu ba, face Sabbin farantan da aka canza musu masu tsayi.
Wani irin ihun farin Ciki ta saki, kai tsaye sautin ihun ya daki dodon kunnan masu bacci, Saboda tsabar firgitar da su ka Yi, kusan atare suka Yaye bargunan da suka lullu6a dasu, Kowannan su Ya miƙe xaune, wasu suna hamma wasu suna Yin miƙa, hada masu miyan bacci abaki irin su parveen da mubeen, At same time suka kai idanuwansu kan Azeeza Kafin suyi yunƙurin Yi mata magana tai saurin Nuna masu ƙaton Cake ɗin da hannunta,”
Zallar mamaki da al’ajabi ne ya bayyana akan fuskokinsu, Nan take baccin da bai ƙarasa sakin su ba, ya washe, ɗaya bayan ɗaya suka dinga saukowa daga saman gadajensu suna tunkarar ƙaton Cake ɗin, a wani irin kasalance, Danish ne kaɗai bai sauko daga saman bed dinshi ba, Yana zaune daga bakin gadon idonshi akan cake ɗin, Ga dukkan alamu baccin bai ishe shi ba, katse mashi shi akayi, sai faman lumshe eyes ɗinshi yake yi,
A jere Suka kewaye Cake ɗin, Kowa Ya baza na mazurinsa, Ko ƙyaftawa ba su yi, parveen ce tai ƙoƙarin kai hannu don ta ta6a shi da sauri Javed Ya ka6e mata hannu tare da cewa”Uwar Hankali, Daga ganin cake kinsan Wanda Ya ajiye shi ne?
Azeeza ce ta bashi amsa da cewa”Ina tunanin Giants Ne suka kawo shi, tare da breakfast ɗinmu,” ta ƙarasa maganar tare da Juyawa tana nuna mashi Dining Carpet ɗinsu, atare Su naufal suka kai idanuwansu kan abunda take ƙoƙarin nuna musu, mamakine Ya ƙara kama su ganin an canza musu farantan abincin su, don suna sane da Irin trays din da ake kawo musu abinci cikinsu, To yau an canza musu wasu sabbin farantai, masu tsayi,
Angel dai ta rasa bakin magana, tarasa gane wannan sabon salon na Kurkukun ƙaddara, abubuwa suna ta canzawa, Anya wannan farin Cikin bana ƙarshe bane acikin xamansu Prison? Na farko an canza musu kayan amfani na toilets da sabbin uniforms duk da tsohuwa tace musu itace ta buƙaci abasu akayan don ta faranta mu su,
Tsawon kwanaki tunda aka tafi da batool ba’a ƙara ɗaukar wani acikinsu ba, duk da bata ga wani ya ƙara yin menstruation ba, wata’ƙil shiyasa ba’a zo an ƙara ɗaukar wani ba,
ta yi zurfi Acikin tunaninta, muryar Naufal ce ta dawo da ita Cikin hayyacinta
“Nifa ina tunanin Sabbin prisoners za’a kawo mana Yau, yakamata muyi wani abu akai, Mu gyara musu gadajensu, sannan muje muyi wanka mu sanya sabbin uniform ɗin mu kada suxo su ganmu kaca kaca suce xasu raina mana wayau,”
Naufal na kai ƙarshen maganar tashi, Yasmin tace”Nima nayi tunanin hakan, idan ku ka lura da rubutun dake akan cake ɗin, Kamar Ana yi ma wasu barka da zuwa ne,” eve tace”in dai haka ne kuwa nayi mamaki, daga gani waɗanda za’a kawo mana ƴan gata ne, don ko time da aka kawo Angel ba’a shirya mata cake ba” Mubeen ne ya bata amsa da cewa”ae ita angel ita kaɗai aka kawo daga waje, su kuma waɗannan ina hasashen dukansu ba acikin prison suke ba, Sannan kuma ki duba da kyau Ajikin Cake ɗin an rubuta Prisoner’s Day, that mean an shirya shi ne domin mu kan mu muyi enjoying ɗin ranar mu ta prisoners,” Da mamaki akan fuskar Hanna tace”Abun da ɗaure kai, Har wani prisoner’s day gare Mu,” ta6e baki Haris yae, yama rasa ta cewa, kwata kwata baiyi farin ciki da ganin cake ɗin ba, acewarshi maimakon adawo musu da ƴar uwarsu batool, An dage sai faranta musu akeyi, gani yake kamar ana ƙoƙarin ɗauke musu hankali ne daga tunaninta,’ a fili Yaja guntun tsoki, fuskarshi amurtuke babu walwala, Deeja ta lura da yanayin fuskarshi, tunaninsu yazo ɗaya, itama abunda take hasashe kenan acikin zuciyarta, sai dai basu fito sun faɗa ma sauran ƴan uwan nasu ba, kodan gudun kada su tarwatsa musu farin Cikin da suke ci. Ganin yadda suke ta zagaye cake ɗin, Cikin Jin daɗi,
“Muje mu yi wanka, mu canza kaya, kafin Mu zo mu yanka Cake” Rubina ce tai maganar, da gudu suka nufi sashen toilets, suna ƴar rige rigen shiga, Mutun uku ne suka fara shiga, sauran suka tsaya suna jiran su fito suma su shiga, Waɗanda suka rage Acikin ɗakin Danish dake zaune gefen gadonshi, Sai angel da haris and deeja da kuma naufal dake tsaye gaban ƙaton Cake ɗin, daga bisani ne Angel ta koma gefen Danish ta zauna, tare da kallon fuskarshi tace”Ka tashi lafiya”? Ya mutsa fuska yae muryarshi adisashe yace”A’a, baccin bai ishe ni ba, azeeza ne ta farkar dani,”
“Ka kwanta mana, ka yi bacci, amma idan kana jin yunwa ka bari mu fara cin abinci, in yaso daga bisani sai ka koma baccin” girgixa mata kai yae tare da cewa”na haƙura da komawa baccin, tun da kin farka ƙwara nima na kasance a farke” Yaƙarasa magnar yana faman lumshe idanuwashi akan fuskarta,
“Ko zamuje muyi wanka ne”? amsa mashi tae da toh,” Ya ruƙo hannunta acikin nashi, suka nufi toilet, a lokacin su Parveen sun kammala nasu wankan sun fito daga sashen toilet ɗin, Sai da suka je bakin ƙopar toilet ɗin Taga yaki sakin hannunta, tace”Ka shiga mana” ni sai na shiga ɗayan toilet ɗin” da buɗar bakinshi sai cewa”why bazamu shiga atare ba? Ni inaso na taimaka maki ne wurin yin wankan” fuskarshi a yamutse yai maganar, ita ko ta saki baki tana kallon shi, Mamaki Ya hanata magana,’ har saida yaja hannunta da niyar su shiga ciki, da sauri ta fusge tana faɗin”Kai fa ba cikakken hankali ne da kai ba, na faɗa maka babu kyau ka daina cewa mu shiga toilet ɗaya, hakan bazai ta6a yiwuwa ba, Kana namiji ina mace kuma ka ce zaka yi mini wanka” ta ƙarasa maganar tana jifar shi da harara, ta lura haryan zu Danish baida linzami, shi dai burin shi yayi mata wanka, sai kace wata ƴar tsana,
“Angel ba wani abu bane fa, kafin zuwanki prison ɗin nan, munayin wanka dasu Batool, so wannan ba wani matsala bane…..”daƙyar ya ƙarasa maganar saboda kallon da take watsa mishi,
“Ba ka ji me ka ce ba? Kafin zuwana kurkuku, That’s mean lokacin kuna a jahiliya period! bayan nazo Kuma saina zo maku da tsarkakakken addini, da ya hana mace da namiji su ke6e awuri ɗaya, sannan babu kyau kallon tsiraici, baida amfani ma mutun ya dinga kallon tsirai cin shi balle ya kalli na wani kuma, fatan Ka fahimce ni” ta yi maganar tare da yi mashi gwalo, tana dariya ta fada toilet taja ƙopa ta datse, bayan ta shiga ciki, ta sanya hannu ta dafe ƙirjinta, tana faman sauke ajiyar zuciya, lamarin Danish yafi ƙarfinta, Dole sai tana taka mishi burki, idan ba haka ba, wata rana zaifi ƙarfinta ne ya ɗauketa yakai ta toilet da sunan zai mata wanka,
Saboda ta ɗauke su tamkar Ciki ɗaya suka fito, shiyasa ma take bari suna ruƙe juna, don Lokacin da take tare da daddynta, babu namijin daya isa Ya ruƙe mata hannu tun tana ƴar ƙaramarta, bayan shi sai Uncle abdallah sai kuma Uzair, saboda ta tsani Namiji ya ta6a jikin ta, akwai ranar da wani malaminsu na makarantar boko yayi gigin Shafa la66anta, ya gansu pink sun burgeshi, aikuwa ta daddage ta gartsa mashi cizo, ɗan tahalikin nan jinya har gadon asibiti, saboda cizonta tamkar dafi gare shi, zai yi wuya ta ciji mutun batare da zazza6i ya rufar mashi ba, kamar dai yadda ta yi ma danish a kwanakin baya kafin su fara shiri daya tona mata asirin ta ɗauki wuƙa, ta yakushe shi tare da gartsa mashi cizo, zazza6i ya rufe shi har giant suka tafi dashi,”
tana Jiyo alamun buɗe ƙopor ɗayan toilet ɗin dake a jikin wanda take Ciki, murmushi tasaki saboda ta gane shine Ya shiga, aranta tace”ɗan rainin wayau, saboda kawai ka ganmin budurcina shine zaka sa naci akan sai ka yi mini wanka,” ta ƙarasa maganar tana faman Cizon la66a,
Kafin wani lokaci gaba ɗayansu su kayi wanka, Kowa Ya cire tsaffin uniform ɗinshi suka maida sababbin ajikinsu, Wani irin kyaune ya bayyana akan fuskokin kowannan su, Farin Ciki ta ko’ina, Sun kewaye Cake ɗin suna ƙare mashi kallon kafin suyi tunanin Yanka shi, Angel tace su jira ta fara yi musu addu’a,
Suka amsa mata da to, Kowa Ya natsu A yayin da take karanto musu addu’o’in ta tofa ma Cake ɗin, Haris yace”kin fake da addu’a kina watsa mana yawu akan cake ɗin mu” Da zolaya yayi maganar yana hararanta, gaba ɗaya suka sanya dariya, fararen haƙoransu kamar gonar auduga,
“Waye xai yanka mana cake ɗin? maji daɗin gado ko kuwa Maji daɗin abinci”? naufal ne yai maganar, parveen uwar zumuɗi tace”Ni xan yanka” Azeeza tace wlh baza abaki ba, indai aka baki sai an bani nima na yanka” harara parveen ta watsa mata tana faɗi”Dallah jibarki can ƙasa, In banda rigima taya za’ae ki iya yanka cake ɗin nan”? Saboda tsabar baƙin cikin kalaman Parveen yasa azeeza ta zuƙunne kasa tana raira musu kuka,” rai a6ace angel ta kalli parveen”bansan meyasa kike son kushe halittar mutun ba, Bakisan babu kyau ba, yanzu ita da kike ma gorin halitta, shin ita ta halicci kanta? Ke kanki fa Girma kikayi kika ganki ahaka, Ko ke kika tsara ma kanki halitta ne” ɗaure fuska parveen tayi tuni idanuwanta sun ciko da kwalla, angel tace”ni ban faɗi hakan don na 6ata maki rai ba, kawai inaso kisan cewa ba abu bane mai kyau kushe halittar mutun, cos bashi yai kanshi ba, haka Allah ke son ganin shi, ke kanki, nafi ki tsayi, Ni kuma Danish Yafi ni, so kinga ni kowa Da irin nashi halittar” ganin zasu 6ata masu farin Cikin su yasa haris, Yin saurin dakatar da Angel ta hanyar yi musu magana”its okey, pls maganar ta wuce, indai akan yankar cake ne na yanke shawarar Danish Shine xai fara Yankawa, saboda shiyafi dace wa Daya yanka shi, Idan ma kuka kwantar da hankalin ku kowa ma xai yanka, ba kuga girman Cake ɗin ba? Ai mutun ɗaya bazai iya yanka shi ba, dole sai an haɗa hannu,”
Duƙawa Danish yai tare dakai hannu ya ruƙo Azeexa ya ɗago da ita, gaba ɗaya hankalinsu ya dawo kanshi ganin ya ɗaurata Saman wuyanshi kamar wata ƙaramar yarinya, nan fa ta fara washe baki ta koma tana yi ma parveen gwalo saboda anyi mata makawuya tsayinta ya zarce na kowa,
“Ku bata knife ɗin, Ita nake so tafara Yankawa” Acewar Danish, da sauri Haris ya ɗauki wuƙar Ya miƙa ma Azeeza dake asaman wuyan Danish, Tasa hannu ta kar6a tana dariya, Ita kanta parveen batasan lokacin data kwashe da dariya ba, ganin yadda Azeeza take alfahari da tsawon da ba nata ba, sai da suka fara ƙirga one two three Kafin Azeeza ta ɗaura wuƙar zata yanka Cake ɗin, sai dai bata kai ga yankawa ba, Suka Ji motsin buɗe ƙopa, a firgice suka kai idanuwansu kan benan,
A matuƙar ruɗe suke kallon ƙafar matashiyar budurwar data fara leƙo wa, wasu matsiyatan Highheels ne a ƙafar masu shegen tsini, Kai daga ganin fatar ƙafar ta rainon madara ce fara tas, saboda tsabar ruɗi azeeza batasan time da ta saki wuƙar yanka cake ɗin dake a hannunta ba, Tabarakallahu ahsanul khalikin, wata irin tafiya yadda kasan bata son taka ƙasa, Daƙyar take taka staircases ɗin, takalmanta har wani sauti suke badawa ƙwas ƙwas! Daga gani ba ita kaɗai bace, akwai sauran dake abayanta, kowannan su sanye Cikin Uniform ɗinshi………..❤
(Mu haɗu next page, Yanzu zan ɗaura maku shi, saboda ina busy mantawa nake, Don haka idan kun gama karanta wannan ku bincika page 51, Masu so karanta middle Step book 2 whatsapp suyi min magana 08103884440 masu son facebook paid group Ga link ku danna shi za kaiku ga wadda zaku yi ma msgana👇
https://www.facebook.com/manal.muhd?mibextid=ZbWKwL
Click Here To Download Kurkukun Kaddara Takun Farko Complete
( mu hadu next page In Allah yakaimu da rai da lafiya, masu yi mun ya jiki ina godiya)
Some Of Related Hausa Novels
