Bashir Abubakar Maishadda, mai shekaru 34, ana yi wa kallon dyaya daga cikin masu shirya fina-finan Hausa, wanda aka fi sani da Kannywood. Ya shirya fina-finai da dama da suka yi nasara, ciki su akwai Hauwa Kulu, kamar yadda ya samu miliyoyin nairaro a cikin wadannan fina-finan da ya shirya.
Maishadda, wanda zai angonce da wata jaruma a cikin masana’antar, yaa zanta da ALIYU ASKIRA a kan sana’ar sa, da dangantakarsa da dai sauransu.
A yanzu haka yana aikin wani fim da ya karya tarihi mai suna “Mai Dama” wanda sarkin kannywood Ali Nuhu zai shirya, sannan Kabiru Musa Jammaje zai dauki nauyi, yayin da jarumai kamar Ali Nuhu, da shahararriyar jarumar Nollywood wato Segun Arinze daga Legas da sauran su. Jaruman da ke Legas za su fito a sabon fim din.
Ana kallon ka a matsayin daya daga cikin manyan furodusoshi a Kannywood. Ta yaya ka zama furodusa?
To, da farko dai zan iya cewa daga Allah ne. Yanzu ina da shekara 34, kuma na shirya fina-finan Hausa da dama da suka samu nasara, sai dai a cikin su wanda nafi so shi ne fim din Hauwa Kulu.
Sarki Ali Nuhu, darakta, furodusa kuma jarumi aji na farko, shine mutum ɗaya da nake jin daɗin yin aiki da shi. Yana ba ni shawarwari masu amfani har ma yana taimaka mini a wurare da dama.
Ka yi aure kuma yara nawa kake da su?
‘Ya’ya, ina cikin shekara ta 34 kawai. Ba ni da aure amma ina hanya saboda za a yi aure na nan ba da jimawa ba, da wata ‘yar fim. Dole ne mu yi aure saboda al’umma suna da mummunar fahimta game da mu.
Za Ku Iya Karanta
✓ Maryam Yahaya bata jin magana wallahi – Datti Assalafy
✓ Allah Ya yi wa Sani Garba SK, Baya jinyar mako Biyar
✓ Tsohuwar Matar Adam A. Zango ta sake dawowa Kannywood Bayan shekaru 13
Na sami dangantaka a masana’antar amma babu wani abu mai tsanani da ya fito daga cikinsu amma idan kuna kallon fina-finai na a ‘yan kwanakin nan za ka lura da wata mace da nake yawan sakata a cikin fina-finai na. Ita ce zan aura domin ba wai kawai tana da mutunci da mutuntawa ba amma tana da kusanci da zuciyata kuma iyayena sun riga sun amince da aurenmu.
Kuna aiki akan sabon fim, Dama Daya. Menene labarin ya ƙunsa kuma nawa ne fim ɗin ya laƙume ma ku?
Eh, fim din a halin yanzu an kammala kashi 70 cikin 100 za a fara nuna shi a gidajen sinima kafin mu fito da shi kasuwa. Kuma an kashe Naira miliyan 35.
Nine furodusa; Kabiru Musa Jammaje shine wanda ya dauki nauyin shirin yayin da Ali Nuhu shine darakta. Zai fito ne da tawagar jaruman Kannywood da wasu fitattun jaruman Nollywood musamman Segun Arinze.
Wannan aiki ne mai kyau wanda zai hada kan ’yan fim daga Arewa da Kudu.
Idan aka nada ka shugaban kwamitin sake tsara Kannywood, yaya za ka gudanar da aikin?
Harkar Fina-finai sana’a ce ta halal kuma al’umma suna sa ido a kan mu don mu shirya fina-finai masu kyau don nishadantar da su, a ɗaya bangaren kuma suna kiranmu da sunaye iri-iri kamar a fim ne kawai mutane ke da halayya mara kyau. Wasu daga cikin mu a nan mun gama karatu a fannoni daban-daban, wasu ma har sauka sunyi ta littafi Mai tsarki wato Al-Qur’ani.
Bari in baku wani misali Hassan Giggs ya auri Muhibbat Abdulsalam daga Kannywood kuma sun yi nasarar tafiya tare; Aisha Aliyu Tsamiya mace ce mai mutunci a Kannywood wadda a koda yaushe muke alfahari da ita. Ba za ka taba jin ana alakanta sunanta da badakala ba.
Bari kuma in yi magana kan wasu matan da suka shiga Kannywood saboda suna son su yi arziki, su ne ake ba mu mugun halinsu.
Idan ka auri masoyiyarka, wacce ke Kannywood, za ka bar ta ta ci gaba da wasan kwaikwayo?
A’a, za ta iya zama furodusa kawai. Yarana kuma ba za su yi aikin ba. Zan tura su mafi kyawun makarantu don su zama likitoci da lauyoyi saboda difloma kawai nake da ita amma ina so in koma makaranta in samu digiri a jami’a.
Muna cikin wata sabuwar duniya da idan ba ka da ilimin da ya dace sai ka ga yana yi maka wuya ko da a ɓangaren gudanar da sana’ar ka ne kuwa.
Wasu suna ganin Ali Nuhu mai girman kai ne kuma mara son mutane, kai amma kuna da alaƙa da shi sosai. Yaya abun yake ne?
Ka manta da abin da mutane ke cewa. Ali Nuhu darakta ne, furodusa, kuma fitaccen jarumin da muke da shi a nan. Da wuya ka saka Ali Nuhu a fim dinka kuma kazo ba ka cin riba ba, gaskiya zai yi matuƙar wuya.
Gaskiya wannan shine lokacinsa kuma har yanzu bamu samu wanda zai danne wannan daukaka tasa ba. Gaskiya muna rigima amma bayan wani lokaci za mu sasanta tsakaninmu mu ci gaba abin da ya kawo mu. Yana taimaka mini da yawa ta wajen ba ni shawarwari na ƙwararru har ma da gano wuraren da nake da matsala a matsayina na dan koyo a harkar ta fina-finai.
Menene shirin ku na gaba?
Shirina na gaba shine inga ranar da zan angwance, sannan in koma makaranta. Daga nan ina so in zama furodusa na duniya.
Kwanan nan, biyo bayan buƙatun da masu kallo suka yi, mun buɗe gidan fim ɗin Platinum a kan titin Zaria. Haƙiƙa sana’ar silima tana ba mu kuɗi masu yawa. Nan gaba kadan za mu kara gina gidajen sinima domin samar wa matasan mu hanyoyin kasuwanci masu riba.